በአርባምንጭ ዩኒቨርስቲ ከአንድ መቶ በላይ ተማሪዎች ተይዘው ታሰሩ

ኢሳት ዜና:-ከሶስት ቀናት በፊት የተነሳው የተማሪዎች የትምህርት ማቆም አድማ ቀጥሎ የፌደራል ፖሊሶች አድማውን መርተዋል ብለው የጠረጠሩዋቸውን   ከ100 በላይ ተማሪዎች ወስደው በጋሞጎፋ ዞን ፖሊስ መመሪያ ግቢ ውስጥ ማጎራቸውን ለማወቅ ተችሎአል።

የተለያዩ የትምህርትና አስተዳዳራዊ በደሎችን ያነሱት ተማሪዎች ትናንት ቀኑን ሙሉ በፖሊሶች ተከበው መዋላቸውን መዘገባችን ይታወሳል። በዛሬው እለትም ተማሪዎቹ ትምህርት ያልጀመሩ ሲሆን፣ የታሰሩ ጓደኞቻቸውን ለመጠየቅ ወደ ፖሊስ ጣቢያዎች ያመሩ ተማሪዎች ጓደኞቻቸውን እንዳይጠይቁ በፖሊስ ተባረዋል።

ተማሪዎች የትምህርት ጥራት እንዲጠበቅ፣ አስተዳዳራዊ ችግሮች እንዲፈቱ እና መብታቸው እንዲከበርላቸው መጠየቃቸውን መዘገባችን ይታወሳል።